Gästebuch

..."freut säch scho" sötts heisse... Gloub sött mau wieder d Schuelbank drücke

I ha mau wieder ä virtuelle Nachtspaziergang ir Uma ihrer aute Heimat gmacht u möcht nid eifach so verbihusche ohni liebi Grüss z hingerlah. Si scho wieder äs paar Wuche vergange sit am letschte Telefon u i hoffe euch geits gäng no aune guet.S Umerli u d Bones gniesse die spärleche Sunnetage uf ihri Art: Während Bones säch mit Vorliebi ir Mittagssunne entspannt u stundelang ihri Kreise im Wasser zieht, würd d Erschtgeborni vom U-Wurf am liebschte uf Alaska uswandere. ;-) I gloub sie freut sch scho wieder uf ä Herbscht wenn Tage chäuter u länger wärde u dr Näbu im bärnische Oberaargou izieht - isch haut äs Winterchind *grins*
Bis gli...

Liebi Aysha

I säge liesli tschüss u danke Dir, dass Du Dire Änkelin Dis Tämparamänt u Dini Fröhlächkeit hingerlah hesch!

Läbwou u Merci das bisch gsi

Liebi Ursula

Sit äm letschte Gäschtebuchitrag si meh aus angerhaub Jahr vergange u s Fleece hei mir zum zwöite mau a Hagge ghängt. Am Näbu begägne mir höchschtens no uf äm Morgespaziergang u langsam aber sicher hautet dr Frühlig ou im Oberaargau izug. Fei chli vieu isch gange i de letschte angerhaub Jahr: Bi üs isch s „ungarische Tüfuswyb“ -alias Bones - izoge u bi euch isch d Xian d Zukunft (so hoffe ig – weisch doch irgendeinisch zieht wieder s Hovimeitschi bi üs i „smile „) vom blibe. Zwüschedüre hei mir (s Umerli, d Ronya, Du, d Beatrice u ig) mordsmässig Spass bim Plouschparcours gha: Während Seiligumpe für d Uma kes Problem gsi isch, het d Ronya i auer Seeleruh d Bärgstifu agleit ;-).

Wenn ig dra dänke, dass d Uma im Januar scho dr 5. Geburi gfiret het, wird mir mängisch chli wehmütig ums Härz. S chunnt mr vor aus wärs gad geschtär gsi, wo Du u d Mel sä i ihres neue Däheim begleitet heit u s Umerli vor luter Freud über ihre „neu Spieukamerade“ i üse Spiegu glofe isch.

We mir Päch hei u ufs Durschnittsauter vom Hovawart absteue hei mir d häuft vo üsere gmeinsame Wägstrecki baud hinger üs gleit, we mir Glück hei u optimistisch si stöh üs mindeschtens no 2/3 bevor. Dank dr Aischa bin ig optimistisch u zuversichtläch das d Uma no äs paar hundert Kilometer a mire Site geit u so stosse ig hinech virtuell mit äm nä Gläsli Rotwy uf d Aischa, d Ronya, d Xian, d Uma und last but not least uf s Bonseli a!

Liebe Grüss – ou a die angerä Urwiler – vo änedt dr Linde sände d Rahel mit dr Uma vom Urwilerhof u dr Bones dere Zwingernamen mä weder schreiben noch aussprechen cha ;-).

Liebe Ursula
Wir haben es gehört....10 kleine Welpenkinder sind auf die Welt gekommen........sooooo hääärzig :-) Wir gratulieren ganz herzlich! Ronja hat ganz schön zu tun - aber sie macht das bestimmt souverän. Sie ist eine tolle Hundemutter.
Unser Wanuk entwickelt sich weiterhin prächtig - ein feiner Bursche! Liebe Grüsse aus Rorbas, Hausi, Uschi mit Wanuk